Other Poetry

1) Hath dua ko jab hi uth'te hain
Alfaz kahin kho jate hain

bas dhiyan tumhara rehta hai
or ansoo behte rehte hain

Her khuwab tumhara pura ho
Us Rab ki minat kerti hon

Main Asi Muhabbat kerti hon
Tum kasi Muhabbat kerte ho?

Muje Thandak raas nahi atii
Muje barish se khoof ata hai

per jis din se maloom hoa hai
yeh mosam tum ko bhata hai

ab jab bhi sawan ata hai
barish main bheegti rehti hon

qatroo main tumhi ko dhondti hon
Bundo se tumhara pochti hon

Main asi Muhabbat kerti hon
Tum kasi Muhabbat kerte ho?

Jab derwaze per dastek ho
ya ghenti phone ki bajti ho

main chor ke sub kuch bhagti hon
Per jab tum ko nahi pati hon

tu jeee bher ke rone lagti hon

Main asi Muhabbat kerti hon
Tum kasi muhabbat kerte ho?


Mehfil main kahin jab jana ho
Kapro ka chnao kerna ho

Rango ki dhank si bikhrii hoo
us rang pe dil ajata hai

jo rung ke tum ko bhata hai

Main asi muhabbat kerti hon
Tum kasi Muhabbat kerte ho??

Sakhion se batain kerte hoyy
Mere dhiyan main tum ajate ho
 

Main mai nahi rehti phir janaaa
Main tum main gum hojati hon
 

bas khuwabo main kho jati hon
un ankhoo mai khoo jati hon

Main asi muhabbat kerti hon
Tum kasi muhabbat kerte ho?

Tum jab bhi samne atay ho
Mai tum se sun'na chahti hon

Ayy kash kabi tum yeh keh do
Ke tum muj se muhabbat kerte ho

tum muje be-had chahte ho
per najane kyun tum chup hoo

yeh soch ke dil ghbrata hai
aisa tu nahi hai na jana

ke sub meri nazer ka dhoka ho
tum ne kabhi muje chah hi na ho

koi or hi dil mai rehta hoo
main tum se pochna chahti hon

tum se kehna chahti hon
per kuch poch nahi saktii

Mana ke muhabbat hai phir bhi
Lab apne khol nahi saktii

Khuwabo main bohat kuch bolti hon
per samne chup hi rehti hon

Main lerki hon
kaise keh don

Mai kasi muhabbat kerti hon
Main tum se yeh kase pochon

tum kaisi muhabbat kerte ho?



Main Asi Muhabbat kerti hon






2)

Adhi raat ko yeh duniya waley

Jab khawabon main kho jaty hain

Aisy main mohabbat kay rogi

Yadon kay cherag jalaty hain

Karty hain mohabbat sabhi magar

Har dil ko silah kab milta hay

Ati hain bahareen gulshan main

Har phool magar kab khilta hay

Main ranjha na tha tu heer na thi

Ham apna pyaar nibha na sakey

Yun pyaar k khawab bohot dekhey

Tabeer magar ham pa na sakey

Main ne to bohot chaha lekin

Tu rakh na saki Wahdoon ka bharam

Ab reh reh kar yaad ata hay

Jo tu ne kiya is dil pe setam

Parda jo hata doon cheare say

Tujhe loog kaheen ge har jai

Majboor hon main dil kay hathoon

Manzoor nahi teri ruswai

Socha hay kay apnay hontoon par

Main choup ki mohar laga doon ga

Main teri sulagti yadoon say

Ab is dil ko bahlaa lun ga